Tarik 18 – 20 October 2024 sûng khan ‘I In tieng kîr nâwk rawh’ ti thupuia hmangin Hmarbiel North Presbytery Nuhmei Pâwl Annual Conference vawi 73-na chu Pherzawlah hlawtling taka hmang a nih.
Hi Inkhâwmpuia hin Unit 10 a inthawk mikhuol 150 vêl fekhawm a ni a. Inkhawmpui sûng hin Conference Rorêlna le Inruolsiekna: Thu (Bible châng), Hlapâwlpui le Lêngkhawm hla hai nei a nih.
Chun, Conference sûng hin Nk. Lalropar, KṬP Pherzawl Unit le Pi Chhungneihching haia inthawk inpâkna hla ngaithlak a ni a. Pi Lalrohnem, Pi Lalpui, Pi Chhungneihching, Pastor Lalronghak le Rev. Timothy Lalzuimawi, PS haia inthawk Pathien thu ropui tak tak el ngaithlak a ni bawk a nih.
Source: Anthony R. Infimate, Correspendent, Hmarbiel North, CKTP Media Ministry
