Pherzawl: Independent Kohranin April 4, 2030-a kum 100 a (hming putna) tlingna Centenary lâwmna le hrietzingna dinga Centenary Chapel, Pherzawl khuoa bawl dinga rêla um ta chu a lung phûmna vawisûn April 4, 2024 khan Executive Secretary Rev. Lalneikhup Hmar-in a lo nei tah.
April 4 hi Kohran Niser ‘Independent Kohran Hming Put Ṭan Ni’ a ni ang hrimin, zîng tieng Pherzawl ICI Biek Inah inkhâwmna nei a ni a, Rev. Lalrohlu, EAL-in Pathien thu hrilna a nei a, Pherzawl KṬP a’nthawk hlapâwl ngaithlâk a nih. Rev. Timothy Lalzuimawi, PS, Hmarbiel North Presbytery-in inhmêlhrietna hun a nei a, chawhnung tieng groundbreaking ceremony hi nei a nih. Zân inkhâwmnaah Rev. Dr. James R. Ruolngul, Secretary, Ministries-in Pathien thu hrilin, rawngbâwlna nei a tih.
