Assam Hills Presbytery NPT Prayer Convention vawi 38-na chu New Zoar khuoah Thlazing (August 24 – 25), 2024 sûng khan unit dang dang a’nthawk mikhuol 123 fekhawmin malsawmna tam dawngin hmang a nih.
Inkhâwmpuia hin Palai 87 an ṭhang thei a, NPT Prayer Convention-a chu Palai fe râwn ṭum tak nia hriet a nih.
NPT Secretary-in report a pêknaa chun, Assam Hills Presbytery NPT member zât hi 330 (nuhmei 156 le pasal 174) an ni a, inkhâwmpui kâr lakah mi 40-in member an pung a, member 1-in thina a tuok. Unit 17 umin, unit tinin report an pêk thei a nih.
Inkhâwmpui sûng hin Upa Lalmanlien, NPT Co-ordinator-in Pathien thu hrilin rawngbâwlna a nei.
Upa Lalmanlien hi August 5, 2024 a’nthawka Assam Hills Presbytery-a unit tin kana, rawngbâwlna lo nei ta hrim a nih.
