49th Meghalaya West Presbytery Conference chu November 8 – 10, 2024 sûng khan Khaddum ICI biekinah Isu Krista Hung Nawkna (Thupuongsuo 22:12) thupuia hmanga nei a nih. Palai 61 an ṭhang thei a, apology mi 5 le absent 9 an um.
Tlungkim zân Zirtawpni 6:30AM (tarik 8.11.24) mipui inkhâwm inhawi taka nei a nih. Hi zân hin Meghalaya West, Presbytery Musical Board (PMB) in a buotsai BASIC TONIC SOLFA INCHÛKNA BÛ Rev. Vanlalruot Joute P.S-in tlângzarna a nei.
Zirtawp zân inkhawm ṭin hin Presbytery Musical Board Rorêlna neiin RIMAWI le inzawmin Resolution pariet lai zet passed a nih.
Inrinni sun dâr 10:00 AM a’nthawk Presbytery Session nei ṭan a nih. Resolution 20 lai zet Passed a nih. Assembly Palai ding mi 4 thlang suok an ni bawk.
Meghalaya West Presbytery hi Pathien zâr chauin Presbytery intodel tak el a ni a, tukum sung ringawt khawm 1.2 Crores lai deu thaw sum hmusuok a nih. Pathien ropui tak raw se!
Inrinni zân inkhawm (6:30 PM) huna hin BSI Khaddum Branch thawlawm dâwl a ni a. Hi huna hin BSI Khaddum Branch Secretary Upa Dr. Crossthang Sanate in Khaddum ICI Local Church hai BSI PATRON MEMBER CERTIFICATE inhlânna a nei.
Pathienni Chawhma inkhawm (11:00 AM) hun a hin Kohran Upa Kum 25 zet el rawngbawl thei a umhai kuomah CHAWIMAWINA insâng takel pêk an nih. Chuonghai chu:-
1. Upa Saimanthang, Sub-Hqtrs.
2. Upa L. Siemlien, Khaddum
Chun, Pu Lamshaw Kyndoh in Lumshnong ICI Kohran ta dinga ram lekha hai iengkim a mi sukfel pekna le inzawmin chawimawina thangsuopuon muffler in bât tir a nih.
Pathienni Chawhnung Inkhawm (1:00 PM) Ordination Service Programme
Kohran Upa Ordination mi pahni Rev. Vanlalruot Joute, P.S in a pêk. Chuonghai chu:-
1. Pu Hringnahmangailien Sungte, Sub-Hqtrs.
2. Pu Michael Hmar, Sub-Hqtrs.
Pathienni zân inkhawm (6:00 PM) inhawitak a hmang sunzawm a nih. Hi zân hin Presbytery Musical Board (PMB) chun, CHAWIMAWINA Musical Board a Kum 10 zet ṭhang tling tah Pu Lalruotkim Pangamte kuomah inhlân a nih.
Presbytery sunga Pathien thucha hriltuhai:-
1. Pastor Ramthluothang Inbuon
2. Pastor H.D Ramtharlawm
3. Pastor Richard Rosiemlien
4. Rev. Vanlalruot Joute
Inpakna hla mawi tak tak el Presbytery Choir Nk. Christina Khawbung (Sub-Hqtrs.), Khaddum Nuhmei Pawl hai a’nthawk ngaithlâk hlak a nih.
Rev. Lalbungsiek Presbytery Chairman in hun tawp takah lawmthu hrilna neiin inkhawmpui vawi 49na chu inthla liem a lo ni tah.
Kumthar 2025 hin Madanrting, Shillong ah Presbytery Vawi-50na le Jubilee lawmna programme nei ning a tih.
Report petu: David Huolngo, CKTP Media Correspondent, Meghalaya West Presbytery
