The 27th NTK Mission Field Conference-cum-Battala Local Church Silver Jubilee chu November 8-10, 2024 sûng khan Battala ah nei a nih.
Inrinni zîng, dâr 10:00 AM a’nthawk Field Business Session nei a nih a, Palai mi 81 fekhâwmin, Ro 16 zet passed a nih.
Pathienni, chawhma inkhâwm ah Sunday School, Puitling le Nâupang exam-a a thaw ṭhahai kuomah Field Sunday School Board in lawmman semna a neia. Chawhnung, dâr 1:00 PM in Battala Local Church Silver Jubilee Lung hawngna le lâwmna nei a nih. Jubilee lung Pastor Billy V Varte in hawngna a neia. Hi huna hin rawngbâwltu, Battala khuoa rawngbâwla lo um ta hai kuoma CHAWIMAWINA inhlân an nih. Chuonghai chu:
1. Evan. Rothindra Marak
2. Evan. Matindra Marak
3. Evan. Phirlethang
4. Evan. Lalhminglien Joute
5. Evan. Pitun Sangma
Inkhâwmpui sûng hin NTK Field Choir le Evan. Werolyn Lalṭhapui Faihriem, Rev. Thangngur Awardee, 2017 hai a’nthawk inpâkna hla mawi tak tak le hring tak tak ngâithlâk hlak a nih a. Evan. Lalhminglien Joute, Evan. Lalsandam Hrangate, Pastor Billy V Varte le Rev. L Noel Zote, F/S hai a’nthawk Pathienthu ropui tak tak ngaithlâk ani bawk.
Mikhuol mi 120 bâwr riek lûtin, inkhâwm zâtin mipui 160 bâwr inkhâwm hlak a nih.
Battala Kohran hi members tlâwmte (in 20 vêl) chau ni hai sien khawm tlung in le fâk-le-dâwn chungthu ah, Thawṭanni tûk chen hnesaw tak le hnieng inhnâr takin ruoi buotsaiin an mi enkawl a nih.
Kumthar, 2025, Field Inkhâwmpui Vawi-28 na chu Surendra Reang Para ah nei nîng a tih.
Report: Evan. Tlanghmingthang, Media Correspondent, NTK Mission Field
