Aizawl Presbytery sûnga unit 5 hieng Sesawng, Zemabawk, RSC Vengthlang, Dapchhuah le Aizawl Ramhlun Sports Complex hai chun Naupang Pâwl inkhâwmpui vawi 25-na August 23 – 25, 2024 sûng khan Aizawl Ramhlun Sports Complex Biekinah hlimtlâng takin an hmang.
Inkhâwmpui thupui Sandamna ti hmangin Speaker dinga fiel Rev. Rorelfel, Child Co-ordinator le Tv. Barnaba Khawbung, Child Evangelist hai a’nthawk Pathien thu le Aizawl Presbytery Choir a’nthawk hlapawl ngâithlâk a ni a, Department tin thu le hla inruolsieknahai nei a ni bawk.
Inkhâwmpui sûng hin Inrinni le Pathienni sûnahai Fellowship Tv. Barnaba Khawbungin keiṭhuoiin, hun hlimum le hlâwk taka hmang a ni a, naupanghai an hlimin, an lâwmtlâng hle.
Rev. Joseph Malsawmzuol, PS, Aizawl Presbytery-in Pathienni zân inkhâwmpui khârna neiin, inngâi tak pumin inkhâwmpui chu ṭumṭiek a lo ni tah.
(With inputs from Alberta Nungate, CKṬP Media Ministry Team member)
