Liem tah August 27, 2024 zân khan Aizawl PS Quarters thar bâwla um chu Rev. Lalneikhup Hmar, Executive Secretary-in hawngna le Pathien kuoma inhlanna a lo nei tah.
Hi quarters hi Aizawl Ramhlun Sports Complex biekin compound-a um a ni a, Rev. Joseph Malsawmzuol, PS hai sungkuo-in hluo’ng an tih.
Aizawl PS quarters hlui kha February 2, 2024 khan ṭhiek a ni a; thiek zo a ni le inruol hin a thar ding bawl ṭan nghâl a nih. Pathienin Kohran ṭhuoituhai mitvarna a pêk a, ei beisei sum le pai hai a mi pêk bawk a. Sin khawm chatlak der lovin thla 7 sung thaw a nih.
PS quarters building-a hin Clerk quarters ding le PS office ding hai khawm a kawp sa vawng dinga riruong a ni a, sâwng thum dinga riruong a nih. A hnuoi ground floor hi parking area dinga riruong a ni bawk.
Hieng chen mi ṭhuoitu Pathien kuomah lawmthu ei hril a. Aizawl khawpuia quarters mawi tak le inzaum tak ei hang nei el thei hi a ropui hle. Hma bâk la um hai khawm dam te tea zo a ni ngei ei beisei a nih.
Reports & Photos: Alberta Nungate, CKTP Media Ministry Team Member
