Presbytery Conference 2023

PRESBYTERY CONFERENCE hi Presbytery pakhat sûnga rorêltu insângtak a nih a, kum tin vawikhat nei hlak a nih.

Tukum Presbytery Conference chu November 10 – 12, 2023 sung dinga rel a nih. Hi huna hin 2024 budget ding draft-na le General Assembly-a lut ding agenda hai bakah, Presbytery huom sunga Department le Standing Committee ro hai tiemlangna neiin, rawngbawlna a hrat pei dan ding rel le hriltlang ning a tih.

Member Dinghai:
(a) Member hlun: Presbytery Standing Committee, Kohran Upa, a biel sunga mi Pastor le Pastor Pensioner, Pro. Pastor, Presbytery Musical Board le Presbytery Auditor Board Chairman le Secretary, le Presbytery Kristien Thalai Pawl, Presbytery Nuhmei Pawl le Presbytery Nehemiah Prayer Team conference Chairperson hai le Secretary hai.
(b) Member danghai: Tuolsung kohran member 500 chen umna chun 50 tling pei aiah palai pakhat an tir hai, hi baka hin, member 500 neka tam umna haia chun 100 tling pei aiah pakhat an tir belsa hai. Kum khata ding peiin thlang an tih.

OFFICE BEARERS

CHAIRMAN, VICE CHAIRMAN LE PRESBYTERY SECRETARY HAI HI OFFICE BEARERS NING AN TIH.

1. Chairman: Presbytery member-hai lâia mi, namdetna chang tah thlang an tih.
2. Vice-Chairman: Presbytery member-hai lâia mi, namdetna chang tah thlang an tih.
3. Secretary: Executive Councilin Sub.Hqrs. a Pastor a sie hai pei chu nîng a tih.
4. Recording Secretary: Member lâia mi ṭumkhat rorelnaa dingin thlang an tih.
5. Inthlang dan: Election Commission member-hai ṭhuoina hnuoiah inthlangna nei nîng a tih.
6. Finance Secretary: Presbytery Standing Committee in ṭûl a ti zat thlang a tih.
7. Treasurer: Headquarers- a submit lo ding chi, biel sunga hmang dinghai kawltu dingin Presbytery Standing Committee-in thlang a tih.
8. Term of Office: Assembly Term zuiin, Office Bearers term (Secretary ti lo po) chu kum thum nîng a ta, Chairman hi term khat bâk chu a zawmin thlang thei ni naw ni a. Chairman hi a term zo charah Vice-Chairman dinga thlang thei ni naw nih. Finance Secretary le Treasurer-hai hi kum tin thlang thar nîng an tih.

PRESBYTERY SIN DING:

1. Tuolsûng kohranin Presbytery-a thu a thêlûthai chu a thei ang tâwk a fel a ngaituo.
2. Presbytery Standing Committee thurêl en, siemṭhat ṭûl siemṭhat, pei ṭûl pei le pawm.
3. A biel sûngah kohran siem, zawmkhâwm le lâwmlût.
4. Kohran Upa thlang phalna pek, namdet, thunun le inchâwltir.
5. Presbytery Office Bearers, Standing Committee members, Executive Council members le General Assembly palai dinghai thlang.
6. Presbytery-a inthawka Assembly-a thulût ding ngaituo le Assembly-a intlun.
7. A biel huop sûnga kohran intiemna dawnga Assembly-ah pêk.
8. A biel huop sûnga thawlâwmhai dawnga Headquarters-a peklût.
9. A bielsûnga thubuoi le thuṭûl ngaituoin a ngaituoh theilo hai Assembly-a pêk.
10. A biel sûngah Department thar indin, an inkhawmpui thurêlhai dawng le en, ṭhiek, siemṭhat le pawm.
11. A rorêl po po Assembly-ah pêk lût.
12. A biel sûnga thawktuhai an sin hrâtlemna ding ang peiin Department Head/a chunga thuneitu râwna sawn kuol. (Pastor ruok chu tâwk châng thei naw nih).
13. A huop sûnga Kohran hmangruo le thuomhnaw hrim hrim chu Assembly hminga vawng.
14. Kum tin plan le budget siema Assembly-a pêk.
15. Presbytery sunga kohran memberhai taksa le thlaraua an inṭ hanglienna ding ngaituo.
16. Presbytery-a inthawk Executive Council member ding thawktu nilo mi pakhat tir le chu bâkah member 2000 chuong umna ah 1500 tling peiah pakhat pei thlang belsa.
17. Executive Council member ding chu term hni bâk a zâwnin mi pângngai thlang thei ni naw nih. (Tuta term/kum fe mêk tiemsa ding a nih).
18. Memberhai laia mi ṭumkhata dinga kohran member 400 pei aia General Assembly palai ding thlang.

PRESBYTERY STANDING COMMITTEE:

Presbytery Conference kârlaka thu ṭûl inhmaw Presbytery Conference nghâk theilo chihai po po ngaituotu nîng a tih.

(A) MEMBER DINGHAI:

1. Member hlun- Presbytery Office Bearers, Presbytery hnuoia Active Pastor po le Executive Council member dinga…
2. Member thlang thei zat:

• Kohran member 1000 nêka tlawm nei chun Executive Council member ṭhangin 4 chen,
• Executive Council member ṭhangin 1001-2000 nei chun 5 chen,
• Executive Council member ṭhangin 2001-4000 nei chun 6 chen,
• Executive Council member ṭhangin 4001-6000 nei chun 7 chen,
• Executive Council member ṭhangin 6000 chungtieng nei chun 8 chen thlang thei an tih.

(B) A SIN DINGHAI:

1. Presbytery Conference kârlaka thu ṭûlhai ngaituo.
2. Presbytery Conference Programme siem le Presbytery Conference ko.
3. Presbytery palai list lakhâwma feltaka siem.
4. Presbytery Conference-a thulût dinghai lâkkhawm, ngaituo le a rêl thei chin rêlin, Presbytery Conference-a lût dinga a tihai pêklût. Department Head lût chi chu Dept. Head-a intlun. ro bawzui le a rorêl hai Presbytery Conference-a peklût.
5. Presbytery sûnga kohran memberhai taksa le thlaraua an inṭhanglienna ding ngaituo.
6. A biel sûnga thawktuhai an sin a hrât lemna ding ang peiin Department Head/ a chunga thuneitu râwna sawn kuol (Pastor ruok chu tâwk châng thei naw nih).
7. Presbytery Auditor ding ṭûl a ti zât kum thum sûnga ding ruot le audit report dawnga a ṭûl ang peia bawzui.
8. Election Commission siem.
9. Presbytery hnuoia Board le Sub-Committee tum tumhai ruot.
10. Presbytery Conference-in Upa thlangphalna a pêkhai thlangpuitu ding le examiner ruot.
11. Presbytery Secretary umnawnaa Presbytery hnuoia rawngbawl- tuhai (a bîkin Kohran thawktuhai) rawngbawldan en, a hrât dân ding ngaituopui le hotu kuoma report pêk.
12. Presbytery biel sûnga Naupang Pawl, Kristien Ṭhalai Pawl, Nehemia Prayer Team, le Nuhmei Pawl ṭhuoituhai inthlangna nei pui.
13. Plan le Budget siema Presbytery Conference-a pêklût.
14. Budget sûnga hmun le hmâng inchâwk ding ṭûlna a um a ni chun Executive Secretary remtinaa inchâwk.
15. A biel sunga khawlien, member tamna le ṭûl bikna hmuna an indang dan ding a ṭûl ang peia ngaituo.
16. Kohran Kum Thupui dinga ṭha a ti a um chun Ministry Department a pêklût.