Independent Church of India Hmarbiel North Presbytery Inkhâwmpui vawi 73-na, “Fe Suok” (Deu. 1: 6-7) thupuia hmanga Parbung ICI South Biek In-a November 11-13, 2022 hun sûnga hmanga um chu hmang zo ni tain, vawizân a lo tumṭiek tah.
Inkhâwmpui hmang a ni sûng hin Rev. Lalthangkung, Upa Lalruotṭhieng, Pastor Lalsanglâwm, Pastor Lalronghak le Rev. Joe Sanghmingthang Khawbung P/S haia inthawkin Pathien thucha ropui tak tak el ngaithlâk a nih.
Inkhâwmpui hmang a ni sûng hin Nk Lalhmunmawi, ‘Rev. Thangngur Music Awardee 2016’ a’nthawkin inkhâwm zât inpâkna hla ngâithlak a nia, Parbung North KṬP, Pherzawl KṬP le Tuolbung KṬP haia inthawk inpâkna hlapâwl sak le ngâithlak a ni bawk a nih. Biekin inkhawm (Worship Service) zo a hin Lêngkhâwmna hun hmangsa hlak a ni bawk.
Presbytery Annual Session nei a ni huna khuo hrang hranga inthawka fê khawm Palâi ha’n ro chi tum tum rêl le hril tlâng niin musical session khawm nei a nih. Presbytery Musical Board inrâwina hnuoiah Solfa Junior le Elementary Exam khawm nei a nih. Solfa examna a hlawtlingna changhai:
Elementary:
1. Mr. Lalruotthang
2. Mr. Lalnghatlien
Junior:
1. Mr. Lalramchullo
2. Mr. Laruotthang
3. Mr. Zarneilal
4. Mr. Jenophat
5. Ms. Rita Lalramenkawl
6. Ms. Lalchawlkim
Hi huna hin kum 25 rawng bâwl tling tah Kohran Upa hai ‘Châwimâwina’ thilpêk inhlân an ni bâwk a nih.
Hi huna hin Presbytery sûnga lâwmman chi tum tum hai semna nei a nia, lâwmman latuhai:
Sâwmapakhat lawmman:
1. Pu Sumlamrawn Hmar (Parbung South),
2. Nk. Sangmantling (Parbung North),
3. Nk. Ramngaizuo (Tinsuong)
Faiṭhâm Lâwmman:
1. Pi Lalramhnem (Parbung South),
2. Pi Lalrothieng (Pherzawl),
3. Pi Lalnunmaw (Talan).
Râhmasa:
1. Pu Vangneithang (Pherzawl)
General Fund : Damdiei
Sâwmapakhat percent pe râwn tak : Tinsuong
Hi hai bâk a hin Puitling Sunday School Examna a lâwmman hai sem a nih.
Hun tâwpna takah, Upa H.B. Suoka-in mipui fê khawm hai malsawmna’n a’n ṭin zoin Presbytery Khâwmpui vawi 73-na chu a lo ṭumṭiek tah.
