November 29, 2024 khan Manipur buoina leia mani in luma um thei ta lo, Imphal, Langza, Tuiring le Jiribam Presbytery-a kohran member ṭhenkhat, Tuiṭhaphai phairuoma khawsa mêk mi 180 vêl hai chu ICI Secretariat-in Roberts Jubilee Chapel, Sielmatah an thla huolin, bufâkpuina a nei.
Hi hun, A Gathering of Hope & Healing (a time of comfort and fellowship with Internally Displaced Families) tia ko hi Rev. J. Thanglur, Secretary, Missions & Finance-in a ṭhuoi a, Rev. Lalneikhup Hmar, Executive Secretary-in report le keynote address a pêk a, Rev. Dr. J.L Songate, Moderator-in infuina thu a hril.
IDPs hai a’nthawk hril nuom nei hai ta dingin hun hawng a ni bawk a. Rev. Dr. James R. Ruolngul, Secretary, Ministries & Development-in ṭawngṭai ruol ṭhuoiin, Rev. Lalneikhum, PS, Tuiṭhaphai Presbytery-in ruoi inhlânna ṭawngṭaina a nei.
