Hlimna Zîng Arsi Lalpa, Himna lungpui Lal Isu;
En tâm mihriem nauhai hi, Khawvêla lâwmna zawngin;
Boralna hmun tieng an pan, An hmaah nang hung ngîr rawh.
I hmêla lâwmna kim chu, Nang ngei neia muongna chu;
Mi tinrêngin lo hre hai sienla chu,
Tu’m suol lâwmna zawng an ta?
An boralna ding chauvin.
Thina tûr a nat mi hril, Suol nunrâwng a hrâng mi hril;
Nisienkhawm, ka Lal Isu’n, Ân rieng keinihai leiin;
Hling lukhum le thlân inthim, Kalvari i hung nêrthleng.
Ân thûk zie le ân sâng zie, A sei zie, a lien zie chu;
Hnuoi le vâna thil tinrêng, Rimawi le tawng tinrêngin;
I hmangaina ropui hi, Lâwmin puongdar raw hai se.
Kan lungril temple sûngah; Hmun insâng hi chang la chu;
Ropuina ropui chunga,Lâwmna chunga vân lâwmna;
Kan ta lo ni tâng a tih,Achu nang ngei chu i nih.
Ka thla, lungngai ta naw rawh, I Lalpa’n a hriet ta che;
Lungngaina le rinuma, |ap inrûma i umin;
Hnuoi tieng le i chung tieng khin, Hmangaiin a en zing che.
Phuoktu: Rev. Thangngur