![](https://www.ici.net.in/wp-content/uploads/image-25-1024x467.png)
A ropuina ram mâksanin a hung,
A nauhai thuoi dingin;
Bethlehem bâwng in sûnga chun,
Lungsietumtakin an inzâl;
Vân Lalnau inrieng saw, Lungsiet a va um ngei!
Eini mi thuoi dingin, Lairain a hung inrieng maw!
Vân Lalnau lungsietum pa chu,
Khawvêl suol phurtu dingin, Bâwng inah an inzâl.
A pieng dân hrim hi ngaituo’n a mak maw!
Vân Lalnau naw angin;
Bethlehem bâwng in sûng en ro,
Lairain a hung inrieng ie;
A va mak ngei de maw ! Lal pieng dân a hawi nawh.
Hieng ang hrim hrima inrieng an um nawh,
Vân le khawvêla hin;
Tukhawm bâwng inah an pieng nawh,
Vân Lalnau ruok chu a hung pieng;
A lainatthlâk ngei maw ! Ei Lalpa pieng dân chu.
Thlir tûm vân in khi a ngui zo tah ie,
Khawvêl suolna leiin;
Vân mi’n bâwng in chu an thlîr a,
Kei khawm ka thlîrin a mi run;
Ei Lalpa pieng dân hi, A mi run a na ie.
Phuoktu: Pastor. V.T. Kappu