A piengna rûn sûng saw ka hei enin,
Vân miril bûng angelhai lâwm lai;
Ei suol leiin ka Lal Sandamtu chu,
Thena’n zai an rem, angel lungruolha’n.
Aw ropui raw se ei Lal Sandamtu chu,
Zâwlnei hrillâwk Lal Immanuel chu;
A hung tlung ie, chatuon pielrâl lampui,
Tho ro hnuoi mihai, en tu ei Lalpa saw.
Saisêna i piengna bâwng in tlâwm hnuoi,
Thlêmna sûm zîng hnuoia ka hei thlirin;
Ka lunglai i run ie Lal Isu,
Rauthla, zai rêl ta, Lalpa chawimawi di’n.
Lal tamtak chu hung pieng hai sienlakhawm,
Ka Lal Sandamtu ang um naw ni;
Ânrieng vân hnuoi Tlantu Berâmte hi,
Mi lâwmpui ro, van angel lungruolhai.
A sûl hnung hung suiin ka Lal nunnêm,
Laira’n ânrieng hriempui tinrêng tuorin;
Mihrâng dâwnglai Lili par tliekna hmun,
Rauthla hung lêng la, awi ei tiu Kalvari.
Phuoktu: Zahuol