Vân ropuina ram chu chânin,
Khawvêla hin suolna leiin maw Isu;
I nauhai tapa inrûmhai,
I thisena intlan dingin;
Khawvêl thlalêra hin i hung seilien.
I hmangaina a vân thûk ngei !
Intlanna sin chu a vân tak ngei de maw Isu!
A ngai khawmin ka ngaituo phâk nawh,
A mi hril zo thei an um nawh, hi khawvêla hin,
Aw Thlarau Thienghlim, nangin mi hung hril rawh.
Angel vâr le mi thienghlimhai,
Vân in mawi le lallukhum le lalthungpha;
I hung mâksan keini leiin,
Hmangainaa inngaitlâwmin,
Rinum tinrêng tuora mîn tlan dingin.
Vân in aiawtu ka thlîrin,
Bethlehem khaw kâwl, bâwng in a tlâwm lo nih;
Aiawtu dang ka hei enin,
Thiempu lal le Juda mipui,
A vân ang ta naw de maw ka Lalpa !
I nauhai hin hrethiem inla,
Tap naw thei ding hi kan ni nawh ie Lalpa;
I hmangaina a mak taluo !
Kan aiin i hringna i pêk,
Thina hnuoia hringna i mîn tlun hi.
Phuoktu: Hrangkapchin