Mission Field News – July & August 2023

Assam Mission Field-ah July 2023 thlasung khan rawngbawltuhai rawngbawlna fethlengin hieng station – Jilangso, Rongtheang le Chirilangso hai inthawk Lalpa’n ringthar panga (5) ami pek belsaa lawmum le ropui ei ti tak zet a nih. Pastor Lalremruot hiek in an chungah rawngbawlna a nei a nih. Ringthar hai hi ringna kawngah an puitling pei theina dingin tawngainan san hlak ei tiu.

NTK Mission Field-ah July & August 2023 thlasung khan rawngbawltuhai rawngbawlna fethlengin hieng station – Duigang, Battla, Kochucherra le Sorojani hai ainthawk Lalpa’n ringthar paruk (6) ami pek belsaa lawmum le ropui ei ti tak zet a nih. Pastor Billy Vanlalhuoi le Pastor Edward L.R. Biete’n an chungah rawngbawlna an nei a nih. Ringna dettak neia puitling tieng an pan pei theina dingin tawngainan aipui hlak ei tiu.

Gandasara Local Church, NTK Mission Field Biekin thungphasei man dingin Lower Thenzo Local Church, Cachar Presbytery, ICI 7000/- an pek a lawmum le ropui ei ti tak zet el a nih. Ringthar haiin harsatna hrepuiin an thilpek hlutk hmang hin ringthar haiin hungphasei an nei thei ding ana lawmaum hle.

Chun, North Eastern Electric Power Corporation (NEEPCO), Garampani, Umrangso-in Carmel Standard School, 3 K.M., Garampani school bawlna dingin 14,74,920/- an hung pek bawka lawmum le ropui ei ti tak zet a nih. School managing committee-in class room bawl dan ding an buoipui an meka, thataka an bawl zo vat thei na dingin thahnemngaitakin tawngtainan san ei tiu.

4. PEACE RALLY FOR MANIPUR LE RELIEF SUM DAWNG THU

Manipur buoina le inzawmin Malkangiri District Christians Mancha houihawtna hnuoiah July 3, 2023 khan Malkangiri town sungah le district collector office tuolah ringtuhaiin Peace Rally for Manipur an nei ve a nih. Hi peace rally ah hin ei kohran members hai le thawktu hai khawm nasataka hang lain hmathuoitu an ni tawl thu an hril. Ringthar haiin hahnemngaitkin tawngtaina le ei harsat tuokna mi hrepuiin taksa ngeia suklangin rally an nei hi lawm an um tak zet el a nih. Chun, Tripura Mission Field, ICI khawmin Manipura hnam buoina le inzawma ei kohran hai harsatna mi hrepuiin, sawmdawl ngai hai sawmdawlna ding tiin 50,000/- zet el an hung peka lawmum ei ti tak zet a nih. Hieng anga ramthim a ei kohran members hai khawmin ei harsat tuokna mi hrpuiin tawngtaina le hma an hung lak hi inpak an um hle a nih.

5. ONE-DAY SEMINAR

Odhisa Mission Field, Bhakjola ICI Biekin ah July 19, 2023 khan Kohran thuoitu le missionaries mi sawmthum (30) Pastor David Lalramsan-in “Finance Management” ti thupui hmangin seminar practical takin a nei puia, hi zoin hin sum lut le hmangna (receipt & expenditure) zieklut dan khawm xerox paper semin an chuktir nghal bawk. Hi ni hin account book le receipt book local tina hmang dingin a sem nghal bawk. Pathien zarin an hlawkpui thu an hril. Chun, July 2, 2023 khan Diphu ICI Biekinah Couples’ Seminar hlawtling takin hmang ani bawk. Resource person-in Pu. R.H. Hminglien hmang ania, awng inlettu’n Evan. Zokhawlam hmang ani bawk. Kohran haiin malsawmna an dawng thu an hril. Chun, Langmeklu ICI Biekinah August 23, 2023 khan One Day Couples’ Seminar nei ania, resource person in Pastor Lalremruot |hiek hai nupa hmang an nih. Hieng ang bawk hin Tripura Mission Fieldah khawm Couples’ Seminar July 7-9, 2023 sung khan Sadar area, Teliamura area le South area haiah hlawtling takin an neia resource person-in Rev. Michael Z.Zote PS, Jiribam Presbytery hmang a nih. Chun, August 19, 2023 khan Elder Couples’ Seminar, Agartala hmunah an nei nawka resource persons-in Rev. Lalrokhawm, Field Secretary, NTK Mission Field, Rev. David Varte le Pastor Laltlankung hai hmang an nih. tawng inlet ngai lovin hlawtling takin an hmang zo a nih.

6. BIEKIN THAR HAWNG LE BAWL

July 19, 2023 khan Pastor David Lalramsan-in Bhakjola station, Malkangiri Districtah, Biekin bawl a um zofel ni tain, Pathien hminga hawngna le inhlanna hun a hmang. Ringthar haiin Biekin thar an nei hi lawmpui an um hle a nih. Biekin thar an nei theina ding hin Lower Muolhoi ICI Local Mission Board-in rangva man ding an pek hmangin achung inkhum a nih. Chun, August 17, 2023 khan Alni station, Cachar Mission Field, staff quarter choka (Kitchen) bawl zo aum chu Pastor Nahum Zate-in Pathien hminga hawngna le inhlanna a nei. Hi ni hin Alni station ringthar hai le Sonbari Local Church Committee, Cachar Presbytery hai khawm fiel-in taksa ruoi the a nih. Chun, July 12-14, 2023 sung khan Lower Muolhoi ICI kohran members mi 11 haiin motor chawiin fak le dawn mani intum-in, Longle-ethan Biekin, Assam Mission Field an zu bawlpui. Lower Muolhoi ICI kohran hai inpekna hi aropui ei ti tak zet el a nih.

7. FIELD VISIT

August 25-27, 2023 sung khan Hmarkhawlien ICI |halai Pawl, Cachar Presbytery mi 25 haiin Jamtoli, Sorojani le Morasora, NTK Mission Field kohran hai kan na neiin, hi hun sung hin kohran members hai thu le hlaah inpawlpuina neiin sports le fellowship hai an nei pui. Hieng ang visit le inzawm hin kohran hai asuk thafan-in Pathien malsawmna khawm an dawng tlang tawl thu an hril. Chun, Pastor David Lalramsan khawmin August 26-28, 2023 sung khan Khandhamal District kohran hai kanin an zinsuoka kohran hai lai rawngbawlna khawm ditum takin a nei thu ahung hril.

8. LAWMTHU HRILNA DING LE TAWNGTAIPUI DING

(i) Evan. S.Theophil le Evan. Surender Kumar hai rawngbawlna Bhatgaon stationah nupui pakhat, lung (Heart) harsatna nei, doctor-in operation thaw ngei ngei dingin thurawn apek a, sum an harsa leiin operation an thawthei nawa, kohran hai nasatakin an tawngtaina ahung hmu ta a nih. Pathien kuomah lawmthu hril ei tiu.

(ii) Evan. Manpreet Joseph William rawngbawlna Bathinda (Punjab) hmunah ringtu Mrs. Harpreet Kuar pasal neiin kum 2 hnungah khawm nau an nei naw zinga, kohran hai Pathien kuomah nasatakin an tawngtaina, Pathienin an tawngtaina dawnin maktakin nau ahung vawn ta a nih. Pathien kuomah lawmthu hril ei ti tak zet a nih.

(iii) Malkangiri District missionary haiin Bengali hindu Mr. Dasarat Mandala hai sungkuo chu August, 2023 khan ringtu ni dingin Isu kebulah an hung huoi lut a, tuhin Tangitang khuoah an inkhawm tan a nih. Malkangiri Districtah hin Bengali raltlan tamtak el Sorkarin asie luta, sienkhawm tuhin hausakna le thiemna tieng tribal hai hi an sirde a nih. Mr. Dasarat Mandala hai sungkuo Lalpa’n ami pek hi lawmthu hrilin, an ni fethleng hin ringtu tamtak Lalpa’n Bengali ami pek belsa pei thei na dingin tawngtaina san hlak ei tiu.

(iv) Batpali khuo, Malkangiri district ringnawtu khuoah rawngbawlna dettaka nei tan dingin July,2023 khan missionary in sielut ania, |halai hai fellowship neipuiin thei ang angin Pathien thu le hla an chuktir hlaka tawngtaina le ei harsat tuokna mi hrpuiin taksa ngeia suklangin tawngtaina le hma an hung lak hi inpak an um hle a nih.

(v) (L) Dr. Sanjoy Debbarma, Twikumba, Tripura Mission Field, July 19,2023 khan stroke leiin hospitalah admit a nia, sienkhlawm san thei ta lovin chatuon ram ami lo inlawisan ta a nih. Pastor Laltlankung-in July 20,2023 khan a taksa pil a siem chu tlanah alo vuoi liem ta a nih. Ama, Sanjoy Debbarma hi Biekin ding ei nei naw laia ahmun le In bawlsa Biekin dinga mi petu le missionary individual support tu a nih. A maksan a nuhmei Mrs. Sabitra Debbarma le a naunuhmei pahni le naupasal pakhat hai ta dingin tawngtaina san hlak ei tiu.

(vi) Mrs. Partiba Biko, Nepal Mission Field a ei kohran member, a pasal Hindu la niin Saudi Arabia ramah sinthawa um, hung suok dingin anuhmei a hrila, ahung suok hunah anuhmeiin abawkah sundur (rawngsen) alo nal naw chun a rimsi ding thu ahung hril. A nuhmei hin Isu ringtu ka ni ta leiin rawngsen nal naw ning ati ve tlat. An nupa karah harsatna an nei naw na dingin tawngtainan san ei tiu.

(vii) Ms. Vikashni, ICI Youth ministry co-ordinator, Delhi rawngbawlna hrattakin a sunzawmpeia, ringnawtu tleirawlhai ko khawmin BSSC ah free tuition class a thawpui zinga, khawvel thiemna le varna inchuktir pumin Pathien thu le hla an chuktir hlaka tawngtaina san hlak ei tiu.