Suol tienga thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a. Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nawk ta hi.
1 Peter 2:24,25
I ngaidam ngai mihriem an um am? Ngaidam nuom lo lungril na hi ngaidamna chauvin a sukdam thei a, ngaidamnaa hin damtlangna a um a nih. Ngaidamtu ngirhmuna ngirna ding i nei am? I pawi thaw, i ngaidam ngai an um am? Nang le kei ei suolhai mi ngaidam dingin thina chenin a mi hung zawng suok a nih. Chuleichun, ngaidamna hi ringtu nina a nih.
Krista zara nang khawmin ngaidam tlak lo ngaidam i ni si chun, i ngaidam thei nawhai kha i ngaidam ve ding an naw ding a? Ana chu i ngaidam a nih ti i hril si naw chun iengtin am hriet an ta? Na ti takin a la um zing ding a nih. Chuleichun kraws zara i dawng hmangin i ngaidam a nih ti chu ama i hril huna damtlangna in chang ding a nih.
Kristien hringnun hi an hnuoi lem pei nun a ni a, a tlawm lem, a dawng lema i changna peia khan damna a um a nih. Chunghnung lem inchuna hmunah inremna le damna a um ngai nawh.
Rev. Joe Sanghmingthang
Lalpa a tha tak zet.
