Palm Sunday

By Pro. Pastor R. Lalṭanpuia

In rengin ditsakna Palm Sunday chibai.
    
Vawitûk inhma takin ka tho a, Bible ka tiem lai chun hi thu hin a mi hne rieu chu tie.

Matthai 21:2

an kuomah, "In hma zâwna khuoa sawn va fe unla, sabengtung thlung, a kâwla a tê leh hmûng in ta; sût unla, ka kuomah hung kei ro.

Hi Sabengtung neipa hin Isu ta ding hin a thil nei an ro naw hle. Vawisuna  krista hnungzuitu hai hin Isu ta dingin ei thil nei hai iengchen am ei phal a? Ei thil nei nêk hmanin ei nei lai po po a ei ngaihlut tak ei lungril tak hi iengchen am ei pek leh.? I lungril takin hang ngaituo sunzawm sin ta hman..

Sabengtung le a tê hi thlung ni naw sien chu hmang phak a ni naw ding a nia. A hun taka hmang thei dingin thlungin a um a nih.
Hieng zawng hin hang hril ei tih.

Aw ringtu khawla'm/ iengle'm i'nthlung hlak a? Isu'n a mamaw hun che a hin hmang thei dingin kraws/Isu ah thlungin i um hlak am..?

Sabengtung le a te chu an tâl dawk el thei naw na dingin hrui khawm țha tak an hmang ring a um. An' le, nangte Isu leh in inthlungna hrui țawngțai, Bible tiem, inkhâwm a la țha tawk am le.?

A châng hin chu Krawsah/Isu ah ni lovin a mihriem hmanga  Ama thilsiem le dâm, khawvel thil le dâm, an nawle ei mihriem hlui le dâm ei inthlung châng a lo va tam hmel de aw!  Entirna in (Duamna/ Chapona/Thabona/Sum le pai/ Technology Games fifa, war, pubg, candy crush, race etc) le ei inthlungde lem leia Isu'n a mi hmang thei ngai naw chang hi lo tam ngawt hlak a tih. Pathienin a mi mamaw lai tak che hin hmang thei dingin i um hlak am? Vawisun hin  Isu hi ei sandamtu ding chun ei dit ngeia, ei Lungril sung ril taka LAL  ding hin chu ei dit naw a hawi hlak ngei.

Isu'n hmang a nuom che, a mamaw che, a hmang tum dân che chu inang vawng na'wng a tih.

Hlasak/thuhril/sin thaw/thil pek etc. chuong lai huna chun hmang thei dingin Sabengtungte angin krawsah thlung de in um rawh, chuongchun nitin i nunah Palm Sunday i hmang ti theiin um a tih.

In rengin vawisun ni hmang inhawi seng ro.

Our Address

ICI Secretariat,
Sielmat, PO Box - 3,
Churachandpur - 795128
Manipur, India

Email: hq{at}ici.net.in
Website: https://www.ici.net.in

 

Privacy Policy

Terms and Conditions

Our Location

© 2019 Independent Church of India | https://www.ici.net.in. Our site is retina display ready and secure with SSL and encrypted content.