A hril ang ngeiin…

BY DR. JAMES R. RUOLNGUL

1. A thonawk tah
Ei Lalpa Isu Krista chu a hril ang ngeiin a thonawk tah! Hemdea a uma, phuma a um hnung, a ni thum niin ropuitakin a tho nawk tah. Lalpa Isu Krista thonawkna hi a ropui hle a nih. Khawvela milien, miropui, miin pathien bieka an biek hielhai khawm an thi vawng tah a, thina hnea thonawk an um nawh. Eini ruok chu Pathien tak, Pathien hring ei neia, thina ihne ruol lo Pathien ei nei leiin a tho nawk tah a a nih. Lalpa Isu Krista a thonawk leiin eini misuolhai ta dingin sandamna lampui chu a hung siemfel tah a. Tukhawm ama chu a ring taphawt chu an bohmang naw ding a nih a; chatuona hringna an nei thei ding a nih.

2. La hung nawk a tih
Ei Lalpa Isu Krista chu a hril ang ngeiin la hung nawk a tih. A pieng ding khawm kha tiena inthawka hrillawka um a ni tah a. A beiseitu le a ringtuhai ta dinga malsawmna a nih. A hril angin a hung pienga, a hril angin a hung thi a, a hril ang bawkin nikhat chu hnuoiah la hung nawk ngei a tih. Chu huna a ringnawtuhai tuor ding chu rapthlaktak la ning a tih. Unau, vawisun hin Pathien hring, Pathien iengkim thawthei, a thuhril inkhel ngai lo ei nei a nih. A hril ang ngeiin an dik pei hlak a nih. Ama kuom tieng pan vat ei tiu, hun an khel hma ngei hin.

“…ka tlantu chu a hring a nih ti ka hriet a, A tawpa chun hnuoi chunga hin la ngir ngei a tih.” (Job. 19:25)

Our Address

ICI Secretariat,
Sielmat, PO Box - 3,
Churachandpur - 795128
Manipur, India

Email: hq{at}ici.net.in
Website: https://www.ici.net.in

Our Location

© 2019 Independent Church of India | https://www.ici.net.in. Our site is a secure site using SSL and encrypted content.