Sielmat Bible College Conference cum Prayer Hall chu August 19, 2024 khan Rev. Dr. Yi Ok Hee, Missionary, Vision Asia-in hawngna a lo nei tah. Hi hall hawngna bâka hin SBC le Vision Asia rawngbâwltlângna kum 30 tlingna lâwmna nei a nih.
Conference cum Prayer Hall hi Sielmat ICI Kohran Fellowship Hall sak chara um a ni a, SBC staff quarters building sâwng chunga um a nih. Hi hall bâwlnaa hin sum tam tak Vision Asia chun a hung ṭhangpui.
SBC le Vision Asia hi August 1994 a’nthawka rawng lo bâwl kawp an ni ta a; Rev. Dr. Yi Ok Hee chu a phut a’nthawka hmalatu tak niin, ama zârin tuta SBC building ṭhenkhat khawm khi bâwl a ni nghe nghe a, thilpêk chi dang dang le inchûklâi le thawktuhai chen khawm kum tin a la châwm sunzawm zing a nih.
Kum 30 rawng an bâwltlângna lâwmnain dârkhuong vawi 30 inrîk a ni a, cake cutting dâm, lawmthu hril ṭawngṭaina dâm, lâwmna hla ICI Central Choir a’nthawk dâm, lâwmna thu SBC Principal Rev. Jonathan Infimate le kohran hotu dang dang a’nthawk dâm, lâwmna thilpêk pêkna dâm nei le ngâithlâk a nih.
