Thlazing (August) 23 – 25, 2024 sûng khan Serlui Prebsytery Naupang Pâwl Inkhâwmpui vawi 2-na chu ICI College Veng, Kolasib Biekina innghatin, Pathien zârin, programme induong ang taka hmang zo a nih.
Unit tin le Department tin thu le hla inruolsieknahai umin, Serlui Presbytery Choir a’nthawk hlapawl mâwi tak tak ngâithlâk a ni a, Pastor haia inthawk Naupanghai hmakhuo ding, suol laka an invênghim dân ding le, Pathien chau bêla a hnungzuitu ding ei ni thu, thu ṭha tak ngaithlak a ni bawk.
Hi inkhâwmpuia mikhuol fekhâwm hi, inkhâwmpui intluntu unit tiem lovin, mi 480 – 500 bâwr vêl nia tiem an nih.
